Lule bjeshke Peshkopia
Mbire anes se nje perroi
Dore e fatit e seliti
Hodhi shtat e lulezoi

Nente malet pa kursyer
Visaret derdhen aty
Qe per fe kishin vatanin
Kastriotin perendi

Aty bahces se shehelereve
Malesore e sheherli
Derdhen djerse e hodhen rrenje
Nje oaz ngriten aty

Oaz dije e trimerie
Sic e ka ne gen dibrani
Qene e mbeten ne cdo kohe
Flamurtare, maje  jatagani

Kendonin pushket neper kulla
Ja thosh Drini  kangeve  te veta
derdh  Korabi gur e hekur
Kur ne prove i  vuri  jeta

Kush si ne pagoi aq shtrenjt
Shekujsh mos me ul flamurin
JEMI DJEPI ARBERISE
I dhame kombit – KRYEBURRIN

Shpirtin  prush po ma djeg malli
Sa ka Drini shkulm e vale
Brenga zemren ma copton
Nji  bajloz- thone- paska dal

Qe po don Dibren  me e  zhbi 
Me e zhduk me fis e fare
Me bahet anderr, s`e besoj
Sa te kete gjalle  nji shqiptar

Gjithe shekujt qe kaluan
Paten mesjeten e vet
Por dibrani mbijetoj
Se ne dore morri fatin e vet

Bashke me lisin bjen dhe hija
Ne aquarium peshku  s`gezon liri
Furtune ndjell ere e veriut
Ndal Bajloz!! Mos ban mahi!

Burri vlen sa mban premtimet
Ne ferr hero shpesh e bejne djallin
Prisnim te  na zbardhje faqen
Floket na thinje, ule ballin 

Shuhet zjarri kur s`ka  c`djeg
Hezitimi eshte bash-vendim
Cdo floke bore e nje orteku
Eshte bashkfajtor ne krim

QUO VADIS DIBRA E KUQE!
SHQIPONJE MBETUN ME NJE KRAH
KA NJE SHEKULL DIBRA E MADHE
E MEKUN DERGJET NEN SHKA

Krejt pa krahe tash  dun me te lane
Me te shu me fare e fis
Me i ra ne lulet te ballit
Kryeplakut te shqiptarise

Zjen kazani pabesise
Po i bien pragut te ndij dera
Kur zenitin arrin heshtja
Nji hap te ndan nga humnera

Te  paret tane na kane mesu
Bisht mejdanit mos me i ba kurre
Kur gogol ngjan hija e hasmit
Perendimi ngre  flamur

Per ty kemi brenge e mall
Sa ka Drini uje e vale
Ah sa fort qe na mungon
Dibra  jone - zonje e rralle

Rinine, enderrat ty ti falem
Na dhe krahe te fluturojme
Mos u tut se na ke ne
ne duel boten per ty ftojme

DR.M.I GJUNKSHI
Hagë
19.02.2024