Agoi dielli perseri
Embel sec e puthi dhene
Erdh pranvera, dallendyshet
Nen strehe po ndertojne folene

Ne foton karshi mbi mur
Syte peng sec me mbeten
Nga dita qe linde TI
Nje shekull nderroi sot fleten

Fati i pashpirt
Me ty u tregua
Jetim qe kerthi
Te morri ne thua

Mote shume kaluan
Qe s`te shoh ne jete
Humbje me te madhe
S`njeh burri vertete

Ati im i shtrenjte
S`njohe femini
Perkedhelite, lajkat
Enderr mbene per ty

Pa gaz e pa drite
Te shkane nder duar
Vitet me te embla
Pa i merituar

Shkuan buzeplasur
Dy prinder si drita
pabesisht demoni
I zuri nder prita

Por ti qe shqiponje
S`te mposhti e liga
Prive para shokeve
S`dije c`eshte friga

IRFAN TE THERRITEN
DIJE QE VERTETE
ME NJE LAPS NE DORE
CAVE TI NE JETE

Ne ato kohe te veshtira
Lodhjen e hengre me dhembe
Naten e ktheve ne dite
Qendrove si mal ne kembe

Ne fron vure vetem djersen
Te drejten per perendi
Bote e tere per ty gjithmone
Vec familje e femi

Tek DIJA i ndez qirinjte
Bota e zhytur ne terr
TI per kohen e mbare Dibren
Qe pishtar e qe fener

Mbinjerezor vullneti yt
Proverbiale aftesia jote
Besen, nderin, krenarine
Ja blatove asaj bote

Atdhetar i pashoq
Bashke me shoket ne llogore
E shkrite veten per vatanin
Si shperblim asgje nuk more

Dhe e bete Shqiperine
Zonje mbi shoqet e tjera
ME JU KRENOHET ATDHEU
SHEKUJSH JU KUJTON PERHERA

Sa mall kam per fjalen tende
Keshillat margaritar
Zerin e embel qe zilepste
Kanarine, bilbil gjyzar

Neteve me hene e yje
Dal e ulem ne oborr
Koken ngre, ta bej me shenje
Te ftoj tja marrim ne korr

‘’Nji dite te diele e nji dite zamani
Apo -Hymnit te Flamurit
Nder male te shkreta une jam tuj shkue
teksa lot derdh syri i burrit’’

Tash u thinja edhe une
Mbi koke mbaj tendin flamur
Qe e mbetesh Zoti im
Sta shperbleva mundin kurre

Une qeshe medaljoni i arte
Qe ti vetes ja mohove
Ne gjithe betejat e mia
Ne skalion te pare luftove

Perjetesisht ne gjunj perulem
Me respekt e dashuri
Je ne krye te botes sime
Je drita e syve te mi

Jam e do te jem krenar
Gjersa zemra te me rrah
Busull do te kem ne jete
C`me dhe ti askush s`ma dha

Trung qe mban degen ne krah
Eshte ati per femine
Pjedestali me i denje per te
Jane zemrat qe psheretijne

Dhe mirenjohja me e thelle
Gjer ne adhurim sublim
Eshte dhurate shume e varfer
FAL TE QOFSHA ATI IM!

DR.MYFIT IRFAN GJUNKSHI
TIRANE
12,04.2024

NE RESPEKT E MIRENJOHJE TE PAFUND ME RASTIN E NJEQIND
VJETORIT TE LINDJES TE ATIT TIM TE SHKELQYER - IRFAN XHEM
GJUNKSHI !-
NGA DIBRA E MADHE